Mujhe Shwaq Tha Tere Sath Ka Jo Na Mil Saka Chalo Khair Hai

مجھے شوق تھا تیرے ساتھ کا

جو نہ مل سکا چلو خیر ھے

میری زندگی بھی گزر گئی

تو بھی جا چکا چلو خیر ہے

یہ جو بے بسی ہے چار سو

اور الجھے الجھے سے طور ہیں

تجھے سب خبر ہے مگر تو

کیوں نہ سمجھ سکا چلو خیر ہے

میں نےخود نمائی کبھی نہ کی

مجھے دوستوں سےگلہ بھی کیا

وہ سمجھہ نہ پائے صدائے دل

یہ بھی چپ رہا چلو خیر ہے

یہ گھٹے گھٹے سے ہیں سلسلے

یہ رکے رکے سے تعلقات

نہ میں کہہ سکا کبھی کھل کے کچھ

نہ تو سن سکا چلو خیر ہے

شب ہجر اتنی طویل تھی

شب وصل بھی تو دراز تھی

میں نے سب کہا تھا بہت

مگر ابھی رہ گیا چلو خیر ہے

میں نے جو بھی چاہا وہ نہ ملا

یہ ہے میری زیست کا المیہ

تجھے ہر قدم پہ خوشی ملی

مجھے غم ملا چلو خیر ہے

میں کہوں تو کیسے کہوں تجھے

میرے شہر دل میں رکے رہو

یہی سوچ تھی میری سوچ میں

تو چلا گیا چلو خیر ہے

کبھی تم کو ضد تھی میں ملوں

کبھی میں بضد تھا کہ تو ملے

یونہی دھیرے دھیرے ختم ہوا

یہ بھی سلسلہ چلو خیر ہے

کئی ماہ و سال گزر گئے

تیری بے رخی تیرے ہجر میں

یہ جو آنے والا ہے نیا برس

یونہی گزرے گا چلو خیر ہے

چلو خیر ہے کہ گزر گئی

وہ طویل شب میری زیست کی

جسے ساتھ چلنا تھا کبھی میرے

وہ نہ چل سکا چلو خیر ہے