Samandar Main Autartha Hoon Tu Ankhain Bheeg Jatay Hain

سمندر میں اترتا ہوں تو 

آنکھیں بھیگ جاتی ہیں 

تری آنکھوں کو پڑھتا ہوں

تو آنکھیں بھیگ جاتی ہیں

تمہارا نام لکھنے کی

اجازت چھن گئی جب سے

کوئی بھی لفظ لکھتا ہوں

تو آنکھیں بھیگ جاتی ہیں

تری یادوں کی خوشبو

کھڑکیوں میں رقص کرتی ہے

نہ جانے ہو گیا ہوں اس قدر حساس میں کب سے

کسی سے بات کرتا ہوں تو آنکھیں بھیگ جاتی ہیں

میں سارا دن بہت مصروف رہتا ہوں مگر جوں ہی

قدم چوکھٹ پہ رکھتا ہوں تو آنکھیں بھیگ جاتی ہیں

ترے کوچے سے اب میرا تعلق واجبی سا ہے

مگر جب بھی گزرتا ہوں تو آنکھیں بھیگ جاتی ہیں

ہزاروں موسموں کی حکمرانی ہے مرے دل پر

وصیؔ میں جب بھی ہنستا ہوں تو آنکھیں بھیگ جاتی ہیں